केदारस्युँ गाउँपालिकामा भिरबाट लडेर एक जनाको मृत्यु

By संवाददाता On २०७७ चैत्र ३ गते, मंगलवार 74

तरुणा जोशी,बझाङ: बझाङ जिल्लाको केदारस्युँ गाउँपालिकामा भिरबाट लडेर एक जनाका मृत्यु भएको छ । मृत्यु हुनेमा केदारस्युँ गाउँपालिका वडा नम्बर ६ बखेतका ३० वर्षका जसबिरे धामी रहेका छन् ।

धामीको मिस्त्रीको काम गरी घर फर्कने क्रममा भिरबाट लडेर मृत्यु भएको जिल्ला प्रहरी कार्यालय बझाङले जनाएको छ । मृतक धामी घर नजिकैको गाउँमा मिस्त्री काम गर्दै आएका थिए । हिजो आईतबार अवेरसम्म कामबाट घर नफर्कीएपछि खोजीगर्दा उनी मृत अवस्थामा भटिएका थिए ।

आईतबार हराएका उनलाई आज सोमबार बिहान स्थानीय सिङडाली भीरबाट लडेर मृत्यु भएको अवस्थामा भेटाइएको थियो । धामीको शव सिङडाली भीरबाट ३ सय मीटर तल खसेको अवस्थामा फेला परेको परिवारले जानकारी दिएको छ । मृतक धामीको शव पोष्टमार्टमका लागि देउलेख प्राथमीक स्वास्थ्य केन्द्मा प्रहरीले जनाएको छ । प्रहरीले घटनाबारे आवस्यक अनुसन्धान भइरहेको जनाएको छ ।