बुंगल नगरपालिकाले लिएको गोदाम व्यवस्थापकको लिखित परिक्षामा सबै उम्मेदवार अनुत्तीर्ण !

बझाङ । बुंगल नगरपालिकाले लिएको दिवा खाजा गोदाम व्यवस्थापकको लिखित परिक्षामा सहभागी सबै परिक्षार्थी फेल अर्थात अनुत्तीर्ण भएका छन् । आर्थिक वर्ष २०८०।८१ को लागि दिवा खाजा गोदाम व्यवस्थापक पदपुर्ती गर्न नगरपालिकाले आज शुक्रबार लिएको लिखित परिक्षामा १० जना सहभागी रहेकोमा सबै उम्मेदवार अनुत्तीर्ण भएका हुन ।

नगरपालिकाले जारी गरेको असार २८ गतेको विज्ञापनमा जम्मा १२ जना उम्मेदवारको आवेदन परेकोमा एक जनाको आवस्यक कागजात नपुगेरको र बाकी ११ जना सर्टलिष्टबाट छनोट भएकका थिए । आज संचालन गरिएको परिक्षामा १० जना परिक्षार्थी परिक्षामा सहभागी भएकोमा सबै अनुत्तीण भएका छन् ।

नगरपालिकाले निष्पक्षरुपमा परिक्षा सञ्चालन गरेको र कोही पनि परिक्षार्थीले उत्तिणाङ्क प्राप्त गर्न नसकेको बुंगल नगरपालिकाका निमित्त प्रमुख प्रशासकीय अधिकृत नरेश कुंवरले बताउनुभयो ।