सुदुरपश्चिम प्रदेशमा चार हजार बढीले कोरोना जिते
धनगढी- सुदुरपश्चिम प्रदेशमा हाल सम्म ४ हजार ३ सय ७४ जना कोरोना संक्रमित निको भएर घर फर्केका छन । शुक्रवार दार्चुलाका २३, बाजुराका सात र सेती प्रादेशिक अस्पताल बाट एक जना गरी ३१ जनालाई डिस्चार्ज गरिए संगै संक्रमण मुक्त हुनेको संख्या ४ हजार ३ सय ७४ पुगेको प्रदेशको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्कीले नियमित प्रेस व्रिफिङमा मार्फत जानकारी दिए । हाल सम्म सबैभन्दा बढि कैलालीका १ हजार २ सय ९८ जना कोरोना मुक्त भएका छन ।
त्यस्तै अछामका ७ सय १२, कञ्चनपुरका ५ सय ८०, डोटीका ५ सय ७६, बैतडीका ३ सय २१ र डडेल्धुराका दुई सय ९९, बाजुराका ४ सय ३६, बझाङबाट १ सय १० र दार्चुलाका ३६ जना संक्रमित निको भएर घर फर्केका छन । सुदुरपश्चिम स्वास्थ्य निर्देशनालयका अनुसार सुदूरपश्चिममा एक्टिभ केस ७ सय ५२ रहेका छन सुदूरपश्चिममा संक्रमितको सङख्या ५ हजार तीन सय १५ पुगेको छ भने १२ जना संक्रमितको मृत्यु भएको छ ।
