बझाङ ; बझाङमा महिलामाथि बलात्कार गरेर गहना लुटेको आरोपमा २ जना पक्राउ परेका छन्। यहि चैत ४ गते जिल्लाको केदारस्युँ गाउँपालिका–५ मा महिलालाई जबरजस्ती करणी गरेर गरगहना लुटेको आरोपमा भारतको पश्चिम बंगाल प्रान्त माल्दा जिल्लाका २९ वर्षीय बिजय राजवंशी र २२ वर्षीय सन्तान मुर्मु भन्ने सनातन मुर्मुलाई पक्राउ गरिएको हो।
बझाङका प्रमुख प्रहरी नायब उपरीक्षक ज्ञानबहादुर विष्टका अनुसार दुवैजना कालङ्गा हाइड्रोपावरमा काम गर्ने कामदार हुन्। महिलामाथि जबरजस्ती करणी गरेर ३ तोला ४ आना बराबरको गरगहना लुटेको जाहेरीका आधारमा उनीहरूलाई पक्राउ गरिएको उनले बताए। दुवै जनामाथि अनुसन्धान भइरहेको प्रहरीले जनाएको छ। दिनेश खबर बाट
प्रतिक्रिया जनाउनुहाेस्
