निजी क्षेत्रको लगानीमा निर्माणाधिन कालंगा जलविद्युत आयोजनाको निर्माण कार्य अन्तिम चरणमा

मकरराज धामी बझाङ निजी क्षेत्रको लगानीमा निर्माण भईरहेको सुदुरपश्चिम प्रदेशको सबै भन्दा ठूलो कालंगा जलविधुत आयोजनाको निमार्ण कार्य अन्तिम चरणमा पुगेको छ । बझाङको बुङगल नगरपालिकामा निमार्णाधिन ६५ मेघावाट क्षमताको कालंगा जलविद्युत आयोजनाको ९० प्रतिशत निमार्ण कार्य सकिएको छ । झण्डै १० अर्व रुपैयाकोे लागत अनुमान गरिएको आयोजनाको ३८.४६ मेघावाटको अपर कालंगाको जलविधुत आयोजनाको ८.७ किलोमिटर, १५.३३ मेघावाटको कालंगा जलविधुत आयोजनाको ३.४ किलोमिटर र १०.०७ मेघावाट क्षमताको सानीगाड जलविधुत आयोजनाको २.९ किलोमिटर सुरुङ निमार्णको काम सकिएको छ । १५.३३ मेगावाट क्षमताको आयोजनाको इन्टेक, सुरुङ, पेनस्टक, पाइप जडान र विद्युत गृह निर्माणको काम सकिएको छ । ९० प्रतिशत भन्दा बढी पूर्वाधार निर्माणको काम सकेको उक्त आयोजनाले यहि चैतमा विद्युत् उत्पादनको तयारी गरेको छ ।

सन २०१७ देखि निमार्ण सुरु भएको आयोजनाले २०२० भित्रै काम सम्पन्न गर्ने लक्ष्य लिएको थियो । भुगोलले साथ नदिँदा निमार्ण कार्यमा ढिलाई भएको आयोजना कम्पनिले जनाएको छ । आयोजनाको पावर हाउस निमार्ण, बाँध, सुरुङ र पेनस्टक पाइप जडानको काम भईरहेकोे छ । टनेल निर्माणलाई अन्तिम रुप दिनुका साथै पावर हाउसमा विधुतिय उपकरण जडानको काम भईरहेकोले समग्रमा ९० प्रतिशत आयोजनाको काम सकिएको आयोजनाका प्रमुख पुष्प चित्रकारले बताए । उनले भने, ३८.४६ मेघावाटको अपरकालंगामा टनेल फिनिसिङको काम भईरहेको छ । १५.३३ मेघावाटको कालंगा जलविधुत आयोजनाको सबै काम सकिएको छ । अब यहि चैतमा परिक्षणको तयारीमा छौ । सन २०२० भित्रै निमार्ण कार्य सम्पन्न गर्ने लक्ष्य लिएको भए पनि कोरोना महामारीले पारेको प्रभाव, भौगोलिक विकटता र वनसम्बन्धी कानून र झन्झटिलो प्रशासनिक प्रक्रियाले पनि आयोजना ढिलाई भएको हो । काममा ढिलाई हुँदा लागत पनि बढेको छ ।

सुदुरपश्चिम लगायत देशमा हजारौंको संख्यामा रोजगारी सिर्जना हुने र निमार्ण सम्पन्न भए पछि ३ सय ५० जना भन्दा बढी स्थानीयले रोजगारीको अवसर प्राप्त गर्ने छन् । यो आयोजनाले नेपालमा भैरहेको लोडसेटिङको समस्या कम गर्न सहयोग गर्ने अपेक्षा आयोजनाले लिएको छ । यो आयोजना सुदुरपश्चिमको विकासका लागी कोसेढुङ्गा सावित हुने कालंगा हाइड्रो प्रालीका संस्थापक विरेन्द्र मल्लले बताए । यस क्षेत्रमा विभिन्न उद्योगका लागी आवश्यक प्रसस्त कच्चा पर्दा छन । विधुत नहुँदा उद्योग स्थापना गर्न सकिएको छैन । यो आयोजना निमार्ण सम्पन्न भएसंगै विभिन्न उद्योग स्थापनाका लागी सम्भावना रहेकोले विभिन्न कलकारखाना तथा उद्योगहरु संचालनमा पनि यस आयोजनाले सहयोग पुग्ने छ । आयोजना निमार्ण सुरु भएसंगै यस क्षेत्रका युवाहरुले योग्यता र दक्षता अनुसारको रोजगार पाईरहेको छन् । हिजोका दिनमा रोजगारका लागी विदेशिने युवाहरु हाल यसै आयोजनामा काम गरि रहेको र यस आयोजनाले बझाङको मुहार फेरिने मल्लले बताएका छन ।

जलबिद्युत आयोजनाका निर्माणका लागी ७५ प्रतिशत बैकंहरुको लगानी र १५ प्रतिशत प्रतिष्ठत ब्यापारीको लगानी रहेको छ । निजि क्षेत्रको लगानीमा निमार्ण हुन लागेको यो प्रदेशकै सबै भन्दा ठुलो जलविद्युत आयोजना भएको आयोजनाको दावी रहेको छ । प्रक्रियामै समय लाग्ने भएकाले शेयर निष्काशनमा केही ढिलाई हुने जनाईएको छ । देशको राजनैतिक गतिरोध र आफ्नो पुजिको सुरक्षा नहुने भए पछि निजि क्षेत्र लगानी गर्न मानिरहेका छैन्न । निजि क्षेत्रको लगानीका विषयमा सरकारले एक पटक सोच्नु जरुरी छ ।

Samajik
Bithadchir 2
Loading...