बझाङ – बझाङमा जिप दुर्घटना भएकाे छ । जिल्लाकाे बित्थडचिर गाउँपालिका–१ चौरहामा जिप अनियन्त्रित भई दुर्घटना भएको हाे । धनगढीबाट बुंगलतर्फ आइरहेको सु .प.प्र–०१००–ज १३९६ नम्बरको जिप आज बिहान करिब ५:३० बजेको समयमा अचानक अनियन्त्रित भई सडकमै पल्टिएको बताइएकाे छ ।
दुर्घटनामा जिप चालक बुंगल नगरपालिका–८ का २६ वर्षीय उत्तम कडायत सामान्य घाइते भएका छन्। उनलाई थप उपचारका लागि धनगढी पठाइएको जिल्ला प्रहरी कार्यलय बझाङले जनाएकाे छ । उक्त जिपमा सवार अन्य ४ जना यात्रुहरू सामान्य अवस्थामा रहेका छन्।
प्रहरीका अनुसार जिप धनगढीबाट यात्रु लिएर बुंगल आइरहेको थियो। दुर्घटनाको कारणबारे थप अनुसन्धान भइरहेको जनाइएको छ।
प्रतिक्रिया जनाउनुहाेस्
