बझाङ – गएराति बझाङमा दुई छुट्टाछुट्टै स्थानमा भएको जिप दुर्घटनामा ५ जनाको मृत्यु भएको छ। तलकोट गाउँपालिकाबाट सदरमुकाम चैनपुर आउँदै गरेको जिप दुर्घटनामा परी ४ जनाको ज्यान गएको छ। जिल्ला प्रहरी कार्यालय बझाङका अनुसार, दुर्घटनामा ३ जनाको घटनास्थलमै मृत्यु भएको छ भने १ जनाको अस्पताल लैजाने क्रममा बाटोमै निधन भएको हो।
मृत्युहनेमा केदारस्युँ गाउँपालिका-१, रायलका जिप चालक ३३ वर्षिय शमशेर मल्ल ,तलकोट गाउँपालिका ४ कि ७२ वर्षिय ,जोगेनी देवी धामी उहाँका छोरा ३६ वर्षिय बम बहादुर धामी , र जोगेनी देवीकी नातिनी बर्ष ६ कि आकृति कुमारी धामी रहेको जिल्ला प्रहरी कार्यालय बझाङले जनाएको छ । दुर्घटना गएराति ८स्३५ बजे तलकोटको धमेनामा भएको हो।
दोस्रो दुर्घटना
मष्टा गाउँपालिकाको भातेखोलाबाट रनाडा जाँदै गरेको सु. प.प्र.०१००१ ज १३९८ नम्बरको जिप दुर्घटनामा परी चालकको मृत्यु भएको छ। चालक मष्टा गाउँपालिकाका ४२ वर्षिय धर्म थापाको घटना स्थलमै मृत्यु भएको हो । जिप अनियन्त्रित भएर सडकबाट १०० मिटर तल खसेको प्रहरीले जनाएको छ । यो दुर्घटना गएराति ९:०० बजे कोटदेवल भन्ने स्थानमा भएको थियो। दुर्घटनाका बेला थापा जिपमा एक्लै रहेको जिल्ला प्रहरी कार्यालयले जनाएको छ।
दुवै दुर्घटनाबारे थप अनुसन्धान भइरहेको जिल्ला प्रहरी कार्यालय बझाङले जनाएको छ। स्थानीयवासी र सुरक्षाकर्मीहरूले राति नै उद्दार कार्य सम्पन्न गरेका थिए। पछिल्लो समय बझाङमा सवारी दुर्घटनाहरू बढ्दै गइरहेको छ। जिल्ला प्रहरी कार्यालयले सवारी साधनहरूको नियमित जाँच तथा चालकलाई सतर्कता अपनाउन आग्रह गरेको छ।
