बझाङ । केदारस्युँ गाउँपालिकामा जलवायु मैत्री कृषक पाठशाला अनुगमन कार्यक्रम सम्पन्न भएकाे छ ।
दलित सहयोग समाज र वर्ल्ड भिजन इन्टरनेशनल नेपालको साझेदारीमा सञ्चालित “पोषण तथा उत्थानशील जीविकोपार्जन परियोजना” अन्तर्गत केदारस्युँ गाउँपालिकाकाे वडा नम्बर ६ र ७ मा जलवायु मैत्री कृषक पाठशाला अनुगमन गरिएकाे छ ।
उक्त अनुगमन परियोजना संयोजक रमेश माली र फिल्ड अधिकृत किरण थापाको उपस्थितिमा स्थानीय कृषकहरूका गतिविधि र प्रगतिको अवलोकन गरिएको थियो। अनुगमन कार्यक्रममा स्थानीय कृषकहरूले परियोजना टिमको भव्य स्वागत गर्दै धन्यवाद ज्ञापन गरेका थिए।
यो परियोजना जलवायु अनुकूल खेती प्रणालीमा कृषकहरूलाई सशक्त बनाउँदै उत्पादनशीलता बढाउन र वातावरणमैत्री कृषि प्रविधिको विकासमा योगदान पुर्याउने उद्देश्यका साथ सञ्चालन गरिएको हाे । परियोजना टिमले स्थानीय कृषकहरूसँग प्रत्यक्ष संवाद गरी अनुभव आदान प्रदान समेत गरेका थिए। उक्त अनुगमनले कृषकहरूलाई प्रोत्साहन मिल्ने विश्वास गरिएको छ।
