Jayaprithvi Municipality

शिक्षा समितिको सभापतिमा बझाङबाट निर्वाचित सांसद जोशी बन्ने निश्चित

बझाङ ; दलहरुबीचको भागबण्डामा १२ मध्ये एक संसदीय समितिको नेतृत्व गर्ने अवसर पाएको नेकपा एकीकृत समाजवादीले आफ्नो भागमा परेको समितिको सभापतिमा बझाङ बाट निर्वाचित प्रतिनिधि सभा सांसद भानुभक्त जोशीलाई पठाउने भएको छ ।
दलहरुको भागबण्डामा सत्तारुढ दल कांग्रेसले ४, माओवादी केन्द्रले २, एकीकृत समाजवादी, जसपा र जनमतले १,१ तथा प्रमुख प्रतिपक्षी दल नेकपा एमालेले ३ वटा संसदीय समितिको नेतृत्व गर्ने सहमति भएको छ । दलीय भागबण्डा अनुसार एकीकृत समाजवादीले शिक्षा, स्वास्थ्य तथा सूचना प्रविधि समितिको नेतृत्व पाउने छ । समितिमा भागबण्डा मिलेसँगै एकीकृत समाजवादीका जोशीलाई पठाउने निर्णय भएको सो पार्टीका सांसद समेत रहेका मेटमणी चौधरीले जानकारी दिए । उहाले आफ्नो पार्टीको भागमा परेको समितिको नेतृत्वमा बझाङबाट निर्वाचित सांसद भानुभक्त जोशीलाई पठाउने निर्णय भइसकेको जानकारी गराउनु जोशी । यस अघि एकीकृत समाजवादीले जोशीलाई मन्त्री बनाउने तयारी गरेपनि अन्तिममा उनको नाम काटिएको थियो । २०७९ को निर्वाचनमा बझाङबाट प्रतिनिधिसभा सदस्यमा निर्वाचित जोशीले निकटतम प्रतिद्वन्द्वी एमालेका युवा नेता ऐन महरलाई पराजित गरेका थिए । जोशी २८ हजार १४३ मतसहित निर्वाचित हुँदा निकटतम् प्रतिस्पर्धी महरले २७ हजार १४५ मतमात्र पाएका थिए ।

Purai Bungal
Bithadchir 2
Jayaprithivi
Loading...