बैतडीको श्रीकोट बहुमुखी क्याम्पसलाई बुझाए विद्यार्थीले विभिन्न १२ बुँदे माग राख्दै संयुुक्त ज्ञापनपत्र

Image

बझाङ – बैतडीमा विद्यार्थीहरुले विभिन्न माग राख्दै संयुुक्त रुपमा ज्ञापनपत्र बुझाएका छन्। जिल्लाको दोगडाकेदार गाउँपालिका- ३ मा रहेको श्रीकोट बहुमुखी क्याम्पसलाई विभिन्न १२ बुंँदे माग राख्दै विद्यार्थीहरुले ज्ञापनपत्र बुझाएका हुन् ।

मंगलबार आफुहरुले क्याम्पस सहायक प्रमुख नरेन्द्र पन्त र स्ववियु सभापति सम्भु गिरीलाई ज्ञापनपत्र बुझाएको विद्यार्थी जनकसिंह भाटले जानकारी दिए । क्याम्पसमा भएका विभिन्न समस्या सुधारका लागि ज्ञापनपत्र मार्फत विद्यार्थीहरुले क्याम्पस प्रशासनको ध्यानाकर्षण गराएका बताइएको छ ।

शैक्षिक गुणस्तरका लागि नियमित अन्तरक्रिया कार्यक्रम संचालन गर्नु पर्ने, खानेपानीको समस्या समाधानका लागि पहल चाल्नु पर्ने , पुस्तकालयमा पुस्तक उपलब्ध गराउनु पर्ने, छात्रा विद्यार्थीहरूलाई सेनेटरी प्याडको व्यवस्था गर्नु पर्ने, सूचना प्रवाहमा नियमित र इन्टरनेटको व्यवस्था गर्नु पर्ने लगायतका मागहरु ज्ञापनपत्रमा उल्लेख गरिएका छन् ।

ज्ञापनपत्र बुझाँउदै विद्यार्थी जनक भाटले विद्यार्थीका माग तत्काल समाधान स्वबियु सभापति र क्याम्पस प्रशासनलाई आग्रह गरेक हुन् । विद्यार्थीका समस्या क्याम्पस प्रशासनले बुझ्नु पर्ने र क्याम्पस सुधारको लागि विद्यार्थी, अभिभावक ,क्याम्पस प्रशासन, राजनीतिक दल एक ठाउँमा हुनुपर्ने उनको धारणा छ ।

यस्तै ज्ञापनपत्र बुझ्दै क्याम्पस सहप्रमुख पन्तले क्याम्पसमा नियमित रुपमा अन्तरक्रिया कार्यक्रम देखि शिक्षक र विद्यार्थीहरुको अनिवार्य पोशाक गर्ने र पुस्तकालयमा पुस्तकको व्यस्थापन पनि चाँडै गरिने बताएका थिए । यस्तै स्ववियु सभापति सम्भु गिरिले पनि विद्यार्थीका माग तत्काल समाधानको लागि पहल चाल्ने प्रतिबद्धता जनाएका छन । विद्यार्थी भाट मिडिया क्षेत्रमा समेत आवद्ध छन् ।

प्रतिक्रिया जनाउनुहाेस्
विज्ञापन
विज्ञापन
विज्ञापन
विज्ञापन
विज्ञापन
विज्ञापन
विज्ञापन
विज्ञापन
विज्ञापन
विज्ञापन
विज्ञापन
विज्ञापन