बझाङ ; बझाङको बुंगल नगरपालिका वडा नं २ मा देउडा प्रतियोगिता हुने भएको छ । सामाजिक रुपान्तरणका लागि संञ्चार समुहको आयोजना तथा सामाजिक विकास कार्यालयको सहयोग र ज्यावन युवा क्लवको समन्वयमा नयाँ वर्षको अवसर पारी बैशाख २ गते बुंगल नगरपालिकाको वडा नं १ र २ स्तरीय खुल्ला देउडा प्रतियोगिता आयोजना गरीएको सामाजिक रुपान्तरणका लागि संञ्चार समुहका उपाअध्यक्ष लोकेन्द्र बहादुर जाग्रीले बताए ।
लोक कला तथा संस्कृती संरक्षणका लागि हुने उत्त प्रतियोगितामा सहभागि हुने प्रत्यक एक टीमले बढीमा १० जना सहभागी गराउन पाउने बताइएको छ । साथै प्रतियोगितामा सहभागिले लगाएको लोक कला तथा संस्कृती झल्काउने पोशाक बाट पनि अंक दिइने आयोजकले जनाएको छ । टीम दर्ताको लागि बैशाख १ गते साँझ ५ बजे सम्म समय तोकिएको छ भने प्रथम हुने टीमले ६ हजार द्धतीय ४ हजार तृतीय स्थान प्रात गर्ने टीमले २ हजार र सान्तोनाले १ हजार पुरस्कार प्रात्प गर्नेछन् ।
