बैतडीमा जिपको ठक्करबाट एक वृद्धाको मृत्यु 

बैतडी– बैतडीमा जिपको ठक्करबाट एक वृद्धाको मृत्यु भएको छ । जिल्लाको डिलाशैनी गाउँपालिका ३ धौकुचे बस्ने ७५ वर्षीया गौरा नाथको जिपको ठक्करबाट मृत्यु भएको जिल्ला प्रहरी कार्यालयका प्रवक्ता प्रहरी निरीक्षक योगेश खत्रीले बताए । सु प प्र ०१००१ ज १२९४ नम्बरको जिपले गौरालाई गोकुलेश्वर–गन्ना सडकखण्ड अन्तर्गत धौंकुचेमा सडकमा हिँडिरहेका वेला अपराह्न ४ बजे ठक्कर दिएको हो । जिपको ठक्करबाट गौराको घटनास्थलमै मृत्यु भएको प्रहरीले जनाएको छ ।