बझाङको केदारस्युँ गाउँपालिकामा भीरबाट लडेर एकजना पुरुषको मृत्यु भएकाे छ ।
केदारस्यु गाउँपालिका वडा नम्बर -९ थालाका अन्दाजी ४५ वर्षीय मानबहादुर बाेहराकाे मङ्गलबार साँझ पौडी बजार बाट घर जाने क्रममा भीरबाट मृत्यु भएको हो ।
घर नजिकैको थाला डाँडा भन्ने ठाउँ बाट लडेर उनको घटनास्थलमै मृत्यु भएको स्थानीय राम बहादुर बोहराले जानकारी दिनुभएको छ । घटना बारे थप अनुसन्धान गर्न प्रहरी टोली घटनास्थल तर्फ गइरहेको छ ।
