बैतडीमा जन्ती बोकेको जिप दुर्घटना, चालक घाइते

सुपप्र ०१००१ ज १३५४ नम्बरको जिप सडकबाट केही तल खसेको प्रहरीले जनाएको छ । दुर्घटनामा परी ४१ वर्षीय चालक मानबहादुर साउद घाइते भएका छन् । घाइते साउदको खुट्टा र कम्मरमा चोट रहेको प्रहरीले जनाएको छ ।

जिपमा सवार अन्य भने सकुशल रहेको प्रहरीले जनाएको छ । कच्ची सडकमा जिप पल्टेको हो । अहिले घटनास्थलतर्फ प्रहरी गएको र थप विवरण आउन बाँकी रहेको ढोल्यामोड प्रहरी चौकीले जनाएको छ ।