बाजुरा कवाडी नदीमा नुहाउन गएका बेला बेपत्ता भएका बाजुराको हिमाली गाउँपालिका एकै परिवारका ५ जनाको अवस्था अझै अज्ञात छ । शुक्रबार छोराछोरी सहित कवाडी नदीमा नुहाउन गएकी ३० वर्षीया सत्ता नेपाली ५ वर्षीया छोरी आरती, ४ वर्षकी सन्तोषी, २ वर्षका छोरा सम्मान र एक वर्षीया छोरी किस्मती नुहाउने क्रममा बेपत्ता भएको जिल्ला प्रहरी कार्यालय बाजुराका प्रहरी निरीक्षक लोकेन्द्र सिंह ठगुन्नाले बताए ।
घटना भए लगत्तै नेपाल प्रहरी, नेपाली सेना र स्थानीयले खोजी गरिरहेका छन् । तर, ४ दिनसम्म पनि अवस्था अज्ञात रहेको प्रहरीले जनाएको छ । कवाडी नदी र कर्णाली नदीको दुरी २०० मिटर मात्रै छ । कवाडी नदीबाट बगेर कर्णाली नदीमा गएको हुन सक्ने उनले बताए ।
