अदालत धम्काउदै प्रचण्ड–नेपाल समुह सडकमा उत्रिएकाे ओली पक्षका नेताहरुको आरोप
अदालतमा मुद्धा हालिसकेपछि त्यसको छिनोफानो नहुँदासम्म पक्ष वा विपक्षमा कुनै पनि गतिविधि गर्नुहुदैन
काठमाडौं प्रतिनिधि सभा विघटनविरुद्ध सर्वोच्च अदालतमा नेकपा पुष्पकमल दाहाल प्रचण्ड पक्षले मुद्धा दायर गरेको छ । अदालतमा मुद्धा हालिसकेपछि त्यसको छिनोफानो नहुँदासम्म पक्ष वा विपक्षमा कुनै पनि गतिविधि गर्नुहुदैन ।
कुनैपनि हालतमा संसद पुनस्थापना गरिछाड्ने प्रण लिनु भएका प्रचण्ड र माधवकुमार नेपाल पक्षले भने अदालतलाई धम्की दिन थाल्नु भएको छ । रिटमाथि सर्वोच्च अदालतको संवैधानिक इजलासमा सुनुवाइ हुने दिन अदालतकै छेउमा रहेको माइतीघर मण्डलामा प्रचण्ड–नेपालसहित सो समुहका नेताहरु प्रर्दशनमा उत्रिनु भएको छ ।
प्रचण्ड, नेपाल लगायतका नेताहरूले छातीमा ‘हामी यहाँ छौं’ लेखिएको प्लेकार्ड लगाएर कार्टुन ओछ्याएर बस्नु भएको छ । प्रधानमन्त्री केपी शर्मा ओलीले संसद विघठन गर्न चालेको कदम संवैधानिक वा असंवैधानिक भन्ने निक्र्यौल अदालतले गर्नेछ । दुई मध्ये एक पक्षमा निर्णय आउनेछ । तर, अदालतमा मुद्धापनि दायर गर्ने र अदालतै छेउमा गएर धम्काउने काम सो पक्षले गरिरहेका ओली पक्षका नेताहरुको भनाई छ ।
प्रधानन्यायाधीश चोलेन्द्रशमशेर राणाको इजलासमा प्रतिनिधि सभा विघटनविरुद्धको रिटमाथि सुनुवाइ हुँदैछ । माइतीघरको प्रदर्शनपछि प्रचण्ड–नेपाल समूह निर्वाचन आयोग जाने तयारी गरेको प्रवक्ता नारायणकाजी श्रेष्ठले जानकारी दिनुभयो । पार्टीको आधिकारिकता दाबी गर्न बहुमत केन्द्रीय सदस्यसहित उनीहरू निर्वाचन आयोग जान लागेका हुन् ।
